Təbiət - Uşaq Bilik Portalı

Təbiət

Zirehlilər və ya armadillər

Kəmdişlilərdən ən qeyri-adiləri, çox güman ki, zireh, ya da sümük lövhədən və zolaqdan ibarət zireh “geyinmiş” heyvanlardır. Bu gün rast gəlinən zirehlilərin ölçüsü böyük deyil.

Nə üçün tutuquşular danışır?

Bir çoxumuz ev heyvanı - it, pişik, dağsiçanı, tutuquşu, hətta bəzi ekzotik heyvanlar saxlayırıq, çünki bu sevimli varlıqlar həyatımızı rövnəqləndirir və əyləncəli edir. Onların arasında tutuquşuların yeri ayrıdır. Bu quşlar gözəl və cazibədar olmaqla bərabər, həm də danışa bilir. Bu müəmmadan isə çoxları baş çıxara bilmir. Bəs nə üçün tutuquşular danışır?

Çobanyastığı – günəş çiçəyidir

Çobanyastığı gözoxşayan, cazibədar bitkidir. Onu adətən “utancaq”, “çöl çiçəyi” kimi epitetlərlə müşayiət edirlər. Lakin çələng hörəndə, buket bağlayanda onsuz ötüşmək çəkindir. Bu bitkinin çiçəyinin forması çətirə oxşayır. Əfsanəyə görə çobanyastığı qədim zamanlarda çöl cırtdanlarının çətiri olub.

Çiçəklərin ətir və rəngləri

Yaşıl çəmənin əlvanlığı son dərəcə cazibədardır. İsti yay günündə buludsuz səma altında güllərin parlaq rəngləri yaşıl otların arasında son dərəcə heyrətamiz, tanış və sevimli mənzərə yaradır. Ağ qamətli birəotu, bənövşəyi, utancaq zəngçiçəyi, al-qırmızı qərənfillər… Təbiət insandan ötrü necə rəng müxtəlifliyi, qəribə naxışlar, gözəlliklər yaradılıb!

Cənubi Amerika rekordlar qitəsidir

Cənubi Amerika o qədər də böyük olmayan ərazisində çoxlu rekordlar toplayıb: dünyanın ən hündür şəlaləsi, ən böyük yüksək dağ gölü, ən uzun dağ silsiləsi, ən bol sulu çayı, ən böyük ovalığı və ən böyük həmişəyaşıl meşəsi! Planetimizdə ölçüsünə və əhalisinin sayına görə dördüncü olan materik Təbaşir dövründə (bu dövr Mezozoy erasının son dövrüdür) Qondvana materikinin bir hissəsi olub.

Gülçülər qladiolusları nə vaxtdan sevməyə başlayıblar?

Qladioluslar haqqında ilk məlumat eramızın 1 əsrinə təsadüf edir. Süsənkimilər fəsiləsinə aid qladiolusun yarpaqları qılıncvari formada olduğundan , bitkinin adı da "qılınc" mənasını verən "gladus" latın sözündən götürülüb. Qədim Yunanıstanda bu çiçəyi həmin mənanı verən "ksifion" adlandırıblar.