Bakının mərkəzi hissəsində, Xaqani küçəsinin, Bülbül prospektinin, Üzeyir Hacıbəyli və Rəşid Behbudov küçələrinin kəsişdiyi ərazidə, Mirzə Fətəli Axundzadə adına Azərbaycan Milli Kitabxanasının qarşısında yerləşən bu bağ tarixi tikililərlə əhatə olunub.  

Mingəçevir Kürün gözəlliyini, möhtəşəmliyini hiss edə biləcəyiniz yerlərdəndir. Çayın sahilində yerləşən "İşıqlar şəhəri" təmizliyi, göz oxşayan mənzərələri və ən əsası sərin sahil xətti ilə tanınır. Bu ərazi təbiətin gözəlliyi ilə yanaşı, eyni zamanda, macəra və rahatlığı özündə birləşdirir. 1948-ci ildə şəhər yaranandan sakinlərinin istirahəti üçün Kür çayının sahilində bulvar yaradılıb. Şəhərdən keçən çayın hər iki sahilindəki parklar göz oxşayır. 

“Tək dam” şəlaləsi Azərbaycanın cənub-şərq bölgəsində, Yardımlı rayonunda yerləşir. Şəlalə nadir və gözoxşayan təbii gözəlliyi ilə seçilir.  

Masallı ölkəmizin füsunkar təbiəti ilə seçilən bölgələrindən biridir. Dağları və meşələri ilə tanınan bu diyar müalicəvi suları baxımından da xüsusi əhəmiyyət daşıyır.  

Şamaxının Dəmirçi kəndi tarixi məkan olmaqla yanaşı, həm də ruhu dincəldir, yaddaşı oyadır. Dağların ətəyində yerləşən kənddə hər daş, hər küçə sanki keçmişdən bəhs edən bir hekayə danışır.  

Qusar rayonunun əsrarəngiz təbiət mənzərələri ilə zəngin olan Laza kəndi turistlərin sevimli məkanıdır. Qafqaz dağlarının şimal-şərqində, Şahdağ yüksəkliyinin ətəyində yerləşən kəndi Azərbaycanın şəlalələr diyarı adlandırırlar.