Hər bir əsl oğlan uşağı öz həyatında bir gün gizli xəzinə axtarıb tapmaq arzusu ilə alışıb yanır. Günlərin bir günü Tom da belə bir arzuya düşdü. O, Co Qarperi axtarmağa getdi, lakin tapa bilmədi. Ben Rocersin yanına qaçdı, o da balıq tutmağa getmişdi. Təsadüfən Qanlı Əl - Hek Finn ona rast gəldi. Hek də işə yarayardı. Tom onu xəlvəti bir yerə çəkib öz planını danışdı. Hek razı idi. O, əyləncə vəd edən və pul tələb etməyən hər hansı bir təşəbbüsdə iştirak etməyə hər zaman hazır idi. Hərçənd deyirlər vaxt qızıldır - bunun Hekə dəxli yoxdu, çünki onun o qədər boş vaxtı olurdu ki, haraya sərf edəcəyini bilmirdi. Hek soruşdu:   

Anası Zәrifәni evdә qoyub işә getmişdi. Oyuncaqları ilә oynamaq Zәrifәni darıxdırdı. Hәyәtә çıxdı ki, qonşu uşaqlarından birini çağırıb onunla oynasın. Hәyәtdә һeç kәs yox idi. O, ayağını bir kötüyün üstünә qoyub o biri һәyәtә boylandı. Qonşuları Sona xala göyәrti lәklәrinin alağını tәmizlәyirdi. Oğlu Rasim dә ona kömәk edirdi. Lәkdәn nә isә bir-bir çәkib kәnara atırdı.  

Tom yenə də əsl qəhrəman kimi məşhurlaşdı. Böyüklər onunla fəxr edir, yaşıdları isə paxıllığını çəkirdilər. Onun adı hətta mətbuat səhifələrinə düşdü, şəhər qəzeti onun tərifini aləmə yaymışdı. Bəziləri hətta əmin idilər ki, əgər onu aşmasalar gələcəkdə prezident olacaq.

Leyla tikiş tikmәyi xoşlayırdı. Onun yaşıl, qırmızı, göy, sarı rәngli sapları vardı. Hәmişә anası ilә bağa gәzmәyә gedәndә iynә, sap vә bir parça ağ aparıb, әl işi ilә mәşğul olardı...  

Nəhayət, ölü şəhərcikdə bir gün canlanma əmələ gəldi, adamlar bir-birinə dəydi: həkimi öldürən adamın mühakiməsi başlanmışdı. Şəhərdə hamının sözü-söhbəti ancaq bu haqda idi. Tom bu söhbətlərdən heç cürə yaxa qurtara bilmirdi. Qətl haqqındakı hər bir söz onun qəlbini dondurur, vicdanı təmiz olmadığına və qorxduğuna görə elə bilirdi ki, bu sözləri qəsdən, onu yoxlamaq üçün deyirlər. O, başa düşürdü ki, həkimin öldürülməsində onun xəbərdar olduğundan şübhələnməyə heç bir əsas yoxdur, bununla belə, həmin danışıqları eşitdikdə ürəyi sakit ola bilmirdi. Bədəninə üşütmə gəlirdi. O, Heki çəkib xəlvət bir yerə apardı ki, onunla sərbəst danışa bilsin. Heç olmasa bir-iki kəlmə danışıb ürəyini boşaltsa, özü kimi əzaba düçar olan bir adamla dərdini bölüşsə vəziyyəti bir qədər yüngülləşərdi. Bundan başqa, o yoxlamaq istəyirdi ki, görsün Hek ağzından söz-zad qaçırmayıb ki. 

Mən sirkin yanına gedib dal qapı tərəfdə veyllənməyə başladım, qarovulçu gəlib yanımdan keçdikdən sonra isə sirk çadırının brezentini qaldırıb içəri keçdim. Yanımda iyirmi dollarlıq bir qızı pul və başqa pullar vardı, ancaq mən onları xərcləmək istəmirdim. Bilmək olmazdı, evdən bu qədər uzaqda, həm də özgə adamlar içərisində həmişə pul lazım ola bilər. Ehtiyat yaxşı şeydir. Mən havayı keçmək mümkün olmayan yerdə sirkə pul verməyin ələyhinə deyiləm, ancaq pulu çölə tullamaq da olmaz.