Xəbərlər - Uşaq Bilik Portalı

Xəbərlər

2 aprel - Beynəlxalq Uşaq Kitabı Günüdür

Aprelin 2-si Beynəlxalq Uşaq Kitabı Günüdür. Uşaq ədəbiyyatı gününün məhz bu tarixə təsadüf etməsinin maraqlı tarixçəsi var. Məşhur nağılçı Hans Kristian Andersen 1805-ci il aprelin 2-də anadan olub. Beynəlxalq Uşaq Kitabı Gününün bu tarixdə qeyd olunmasını alman yazıçısı Yella Lepman təklif edib.

Novruz mərdəkanlı uşaqlara qonaq gəlib

Mərdəkan qəsəbəsindəki kimsəsiz və fiziki imkanları məhdud olan uşaqlar üçün 4 nömrəli internat məktəbində böyük şadyanalıqla Novruz bayramı qeyd edilib.

Bülbül adına musiqi məktəbinin şagirdləri YARAT Müasir İncəsənət Mərkəzində çıxış ediblər

Martın 14-də Bülbül adına Orta İxtisas Musiqi Məktəbinin istedadlı şagirdləri YARAT Müasir İncəsənət Mərkəzində konsert poroqramı ilə çıxış ediblər. Konsertdə dünya musiqi sənətinin qızıl fondundan əsərlər səslənib.

Bakı məktəbində yazın gəlişi geyd olunub

Martın 11-də Novruz bayramı ərəfəsində Bakı şəhəri Nəsimi rayonunun 46 nömrəli məktəbində bu gözəl bayrama həsr olunmuş tədbir keçirilib.

Budapeştdəki kafedə pişiklərlə ünsiyyət qurmaq mümkündür

“Pişikli kafe” – bu Avropada boş vaxt keçirmək üçün yeni əyləncə növüdür. Bu qəbildən olan kafe ilk dəfə 1998-ci ildə Tayvanda fəaliyyətə başlayıb. İndi isə bu dəb Avropada yayılmaq üzrədir. “Cat Cafe” London, Vyana və Budapeştdə xidmət göstərir. Hazırda Macarıstanda 5-ə qədər belə obyekt var. “Cat Cafe” paytaxtla yanaşı ölkənin digər iri şəhərlərində də, əhaliyə xidmət göstərir.

Çexiyalı uşaqlar nadir quşları yenidən görə bilərlər

Hava şəraiti ilə əlaqədar Praqa zooparkında “Afrika qayaları” volyerinin zədələnməsi nəticəsində buranı tərk etmiş 18 meşə ibisi artıq “evə” qayıdıb. Zooparkın əməkdaşları növü yoxa çıxmaq təhlükəsi altında olan bu quşları Praqanın bir çox rayonlarında və paytaxtdan kənarda sakinlərin köməyilə tapıblar.