Qobustan rayonunda yerləşən Nərimankənd mağaraları Nərimankənd kəndində, Zəngi çayının sol sahilindədir. Ərazidə ümumilikdə 3 mağara mövcuddur: Peyğəmbər mağarası, Qaranlıq mağara və Qoşa mağara. Hər mağara 3-4 otaqdan ibarətdir.  

Kompleks Azərbaycan memarlığının XIX əsrə aid nadir nümunələrindəndir. Yeddi günbəz sadəcə daşdan inşa edilmiş məzarlar toplusu deyil, eyni zamanda, Şirvan xanı Mustafa xanın ailəsinə və nəslinə aid tarix kitabəsidir. Kompleksə daxil olan yeddi türbə 1816-1865-ci illərdə tikilib. Türbələr Azərbaycan memarlıq ənənələrinə uyğun olaraq səkkizbucaqlı formada, yonulmuş daşlardan inşa edilib.  

Quba Azərbaycanın gözəl təbiəti və qədim tarixi ilə seçilən guşələrindən biridir. “Quba” sözü Qudyalçayın adından götürülmüşdür. XVIII əsrin ortalarında Hüseynəli xan Qubanı mərkəzə çevirmiş və öz iqamətgahını da buraya köçürmüşdü. Fətəli xanın dövründə Quba xanlığı daha da inkişaf etmişdir.   

Qarabağ tipinin Şuşa qrupuna aid olan bu xovlu xalçalar XIX əsrin II yarısından Şuşada istehsal olunur. Əvvəllər onu "Gül yaylıq" ("Güllü yaylıq") adlandırırdılar, lakin onlar Qarabağın digər xalçaçılıq məntəqələrində toxunmağa başlandıqdan sonra "Bağçadagüllər" adlanmağa başladı.

Qarabağ xalçaçılıq məktəbinin yüksək keyfiyyətli xovlu xalça növüdür. Bu xalçalar öz adını Bərdə şəhərindən 30 km şimal-şərqdə yerləşən Lənbəran qəsəbəsinin adından götürmüşdür. Lənbəranda toxunmuş zililər, vərnilər, cecimlər yalnız bizim ölkədə deyil, həm də xaricdə muzey eksponatı hesab edilir. Lənbəran qəsəbəsində çoxlu çuvallar, xurcunlar, yun corablar və digər məişət məmulatları toxunardı.  

Qarabağ xalçaçılıq məktəbinə aid olan xovsuz xalçaların son əsrlər geniş yayılmış ən maraqlı növlərindən biri "sumax" xalçalarıdır. Sumax xalçalarının əsas vətəni Şirvan sayılsa da sonralar bu xalçalar Urmiyə, Mərənd, Naxçıvan, Cəbrayıl, Laçın bölgələrində də toxunmuşdur. Sumax xalçaları xovlu xalçalardan götürülmüş naxış və kompozisiyalarla bəzədilir. Zili və vərni ilə oxşardır. Lakin burada arğaclar ardıcıl olaraq bir cərgə soldan sağa, bir cərgə isə sağdan sola aparılır.