1

Yarışda yaxşıdır ki,
Sən birinci olasan.
Məktəbdə oxuyanda,
Olmaya «bir» alasan!

2

Birin üstünə
Əgər bir gəlsən,
Neçə olacaq,
Deyə bilərsən?

İki gözün var,
İki qulağın.
İki əlin var,
İki ayağın.

3

Üçbucağın bir baxın,
Üçcə dənədir tini.
İndi sayın uşaqlar,
Onun tərəflərini.

4

Bir ildə dörd fəsil var,
Bilirsinizmi, uşaqlar?
Biri qış, biri yazdır,
Sonra yaydır, payızdır.

5

Bir əldə beş barmaq var,
Sayın, düzdür, uşaqlar?!
O biri əlinizdə
Görün neçə barmaq var?