Əziz uşaqlar! Azərbaycan Dövlət Akademik Milli Dram Teatrının dekabr ayında sizin üçün nəzərdə tutulan repertuarını təqdim edirik.    

Dekabrın 30-dan yanvarın 4-dək Azərbaycan Dövlət Rus Dram Teatrında “Gəlin, nağıla baxaq” adı altında tamaşalar təqdim ediləcək. Uşaqları rus xalq nağıllarının qəhrəmanları ilə unudulmaz görüşlər gözləyir. Tamaşalar saat 12-də və 15-də nümayiş olunacaq. 

Yanvarın 2,3,4 –də Heydər Əliyev Sarayında uşaqlar üçün “Nağıl qəhrəmanlarının səyahəti” adlı Yeni il şənlikləri keçiriləcək. Heydər Əliyev Sarayının mətbuat xidmətindən AZƏRTAC-a bildirilib ki, tamaşada balacaları Cırtdan və dostlarının (Qırmızı papaq, Buratino, üç keçi balası və s.) başına gələn yeni il sərgüzəştləri gözləyir. 

Noyabrın 9-u Azərbaycanda Dövlət Bayrağı Günüdür. Təhsil müəssisələrinin əksəriyyətində bu əlamətdar gün münasibətilə tədbirlər keçirilir. İltifat Hacıyev adına “Tərəqqi” texniki-humanitar liseyinin və 291 saylı "Araz" Ekoloji liseyinin aşağı sinif şagirdləri də bu tarixi qeyd ediblər. Uşaqlar bu bayrama yaradıcı yanaşıblar. Onlar vətənpərvərlik və dövlət bayrağı mövzusunda şəkillər çəkib, applikasiyalar və kompozisiyalar hazırlayıblar. Bəzi şagirdlər tapşırığı özləri yerinə yetiriblər, digərlərinə isə valideynləri, böyük bacı və qardaşları kömək ediblər. 

Yetişən nəsillərin milli-mənəvi dəyərlər ruhunda tərbiyəsi, estetik zövqünün formalaşdırılması və intellektual səviyyələrinin artırılması üçün maarifləndirmə missiyasını davam etdirən Abdulla Şaiq adına Azərbaycan Dövlət Kukla Teatrı daha bir maraqlı layihəsi ilə balacaları sevindirir.

Bu günlərdə Bakı şəhərinin 160 nömrəli Klassik Gimnaziyanın 6A sinfinin şagirdləri Atəşgaha maraqlı ekskursiya edib, həmçinin Yanardağı gəziblər. Məktəblilərə interaktiv tarixi materiallarla yanaşı yenilənmiş və bərpa edilmiş ekspozisiyalar göstərilib, Atəşgahın tarixi barədə danışılıb.