27.09.2013. Azərbaycan Dövlət Gənc Tamaşaçılar Teatrının kollektivi həmişə olduğu kimi, oktyabr ayında da balacalar üçün maraqlı tamaşalar təqdim edəcək. Uşaqlar Azərbaycan xalq nağılı əsasında hazırlanmış “Göyçək Fatma” tamaşasına oktyabrın 5-də, Xanımana Əlibəylinin “Dovşanın ad günü” tamaşasına isə ayın 6-da baxa bilərlər. 

Şarl Perronun “Çəkməli pişik” tamaşası ayın 12-də, Panço Pançevin “Dörd əkizin nağılı” isə ayın 13-də nümayiş etdiriləcək. Teatrın kollektivi ayın 19-da ərəb xalq nağılı əsasında hazırlanmış “Əlibaba və qırx quldur”u, 20-də Aleksey Tolstoyun “Buratinonun macəraları”nı təqdim edəcək. 

Balacalar oktyabrın 26-da Astrid Lindqrenin “Balaca və damda yaşayan Karlson”, 27-də Ernest Teodor Amadey Hofmanın “Şelkunçik” tamaşasına baxa bilərlər.