Yeddi yaşlı Aylin Nəcəfli ölkəmizi beynəlxalq festivalda təmsil edəcək

17.06.2014. İyunun 27-dən 30-dək Bolqarıstanın Varna şəhərində uşaqlar arasında “Golden Sparkles European Music" Festivalı keçiriləcək. Azərbaycanı bu festivalda yeddi yaşlı Aylin Nəcəfli təmsil edəcək. Bu barədə məlumatı festivalın münsiflər heyətinin Azərbaycan nümayəndəsi, prodüser, fəlsəfə elmləri doktoru Hüseyn Cavadzadə verib.

Aylin Nəcəfli Abdulla Şaiq adına Azərbaycan Dövlət Kukla Teatrının solistidir. Azərbaycan sözügedən festivalda ikinci dəfədir ki, iştirak edəcək. Ötən il 5 yaşlı Selcan Müseyibova Bolqarıstandan “Ən yaxşı hit” və “Ən perspektivli ifaçı” diplomları ilə dönüb. O, həm də festivalın ən balaca iştirakçısı olub.

17.06.2014