Bakının öz “Disneyland”i olacaqdır. Dünya şöhrətli park “Khazar İslands” şəhərciyində inşa ediləcəkdir.

“Disneyland”  sehrli ölkə, ucsuz-bucaqsız əyləncə parkıdır.  “Disneyland”ə  getməyi təkcə uşaqlar deyil, böyüklər də arzulayırlar.

“Disneyland” Kaliforniya ştatının Anahaym şəhərində  tematik parkdır. Uolt Disneyin ilk  tematik parkı  1955-ci il  iyulun 17-də açılıb. Əvvəlcə sadəcə “Disneyland” adlanırdı. Sonralar onu  Disneyin Kaliforniya əyləncələri parkının və  Disney şəhərciyinin daxil  olduğu eyniadlı  kurort kompleksindən fərqləndirmək üçün adına “park” sözü əlavə ediblər.

 Belə bir park yaratmaq ideyası U.Disneydə  1930-1940-cı illərdə  qızları ilə birlikdə  əyləncə patkında gəzərkən yaranıb. O,  parkı əvvəlcə Berbankda,   “Disney” studiyasının yanında  yaratmağı planlaşdırırdı.  Lakin tezliklə  başa düşdü ki,  bunun üçün ona daha geniş ərazi lazımdır.  U.Disney  1953-cü ildə  Anahaym şəhəri yaxınlığında 65 hektarlıq ərazi aldı. 1955-ci il iyulun 17-də  birinci “Disneyland” açıldı.

Bakıdakı “Disneyland” eyni vaxtda 200 mindən çox adama xidmət edəcək.