“Sehrli dünya” jurnalı 200 nəfərdən çox balaca oxucusuna şənlik keçirib

07.07.2014. Yazıçı Gülzar İbrahimovanın baş redaktoru olduğu “Sehrli dünya” uşaq jurnalının redaksiya heyəti Abşeron rayonunun Goradil qəsəbəsində oxucuları üçün şənlik təşkil edib. Tədbir Dövlət Sərhəd Xidmətinin gözəl təbiəti, hovuzu, yelləncəkləri, idman meydançası olan “Sərhədçi” istirahət mərkəzində keçirilib.

Tədbir “Sehrli dünya” jurnalının 200 nəfərdən çox balaca oxucusunu əhatə edib. Uşaqlar üçün süfrənin də açıldığı tədbiri dəniz, hovuz, klounlar daha rəngarəng ediblər. Mərasim çərçivəsində müsabiqələr keçirilib, qaliblərə hədiyyələr verilib.

07.07.2014