Üzən məktəblərə dünyanın müxtəlif bölgələrində rast gəlinir. Məsələn, Banqladeşdə bir çox hallarda dərslər müəllimlərin hərəkət etdiyi qayıqlarda keçirilir.

Temperaturu ölçmənin əvəzsiz cihazı olan termometr tibbin əsas avadanlıqlarındandır. Adətən bu cihazın yaradıcısı olaraq Qalileo Qalileyi iddia edirlər. Qaliley qazların isti şəraitdə genişləndikləri nəzəriyyəsindən yola çıxaraq bu cihazda dərəcəni qazla müəyyən etmə üsulunu tətbiq etmişdi. Lakin o, dəqiq temperaturu ölçməkdə yararlı olmadığı üçün termometr yox, termoskop hesab edildi.

Göl sularında müxtəlif növ canlı orqanizmlər yaşayır - virus və bakteriyalardan tutmuş suitilər və köpək balıqlarına qədər. Bu orqanizmlər təkcə yaşayış mühitinin fiziki-kimyəvi xassələrinin təsirinə məruz qalmır, onların özləri belə göl sularına yetərli dərəcədə təsir edirlər.

Hind Okeanında yerləşən La Diq adası (La Digue) - gözəl qayalıqları və çəhrayı çimərlikləri ilə seçilən gözəl və kiçik bir adadır.  Seyşel adalarının dördüncü ən böyük adası olan La Diq 10 kvadratmetr km ərazini əhatə edir. Praslin adasının şərqində yerləşir. Turistlər arasında bu sevimli ada kiçik tropik cənnət hesab edilir. Əhalisi 2000 nəfərdir. Ada 1742-ci ildə fransız səyyahı və kəşfiyyatçısı Lazare Piko tərəfindən kəşf edilib. İlk kolonistlər 1789-cu ildə adada məskunlaşıblar.

1966-cı ildə yaradılan Bakı Metropoliteni İdarəsi tərkibində 6 xidmət - hərəkət, hərəkət qatarları, yol və tunel qurğuları, sanitariya texnikası və elektromexanika, işarəvermə və rabitə, material-texniki təminat xidmətləri olmaqla, Yaxın Şərqdə ilk, postsovet məkanında isə beşinci metropoliten oldu.

Sakit okean hövzəsində yerləşən "Alov Halqası" - vulkanik plitələr və laylar üzərində yerləşməsi səbəbi ilə seysmik fəallığa, yəni zəlzələlərə və vulkan püskürmələrinə meylli ərazidir. Halqa 452 aktiv və aktiv olmayan vulkandan ibarətdir (dünya vulkanlarının 75%-dən çoxunu təşkil edir) və həmçinin planetimizdəki zəlzələlərin 90%-nə məhz bu ərazidə baş verir.