Elektrikli ilan balığı "Electrophorus electricus" Amazon çayında  yaşayır. Uzunluğu 2,4 metrə, çəkisi isə 45 kq olan bu balığın bədəninin üçdə ikisi (əsasən quyruq hissəsi) elektrik istehsal edən orqanik sinir lifləri ilə örtülüdür. Balıq, sayı 5.000-6.000 qədər olan bu liflər sayəsində 550-1300 Voltluq elektrik istehsal edə bilir. Balıqdan yayılan bu elektriyin gücü, balığın 2 m. uzağındakı canlıları belə öldürəcək qədər şiddətlidir. 

Kral kobrası – nəinki dünyanın ən gözəl və yaraşıqlı ilanı, eyni zamanda, öz cinsinin ən ölümcül təmsilçisidir. Kral kobrası (lat. Ophiophagus hannah və ya Naja bungarus) — dünyanın ən uzun zəhərli ilan növüdür. Orta uzunluğu 2-4 m, kütləsi isə 9 kiloqrama qədər ola bilir. Bu növ, Cənub-Şərqi Asiyadan Hindistana qədər çox geniş bir arealda yayılmışdır. Bu ilanların qidasını əsasən pitonlar və hətta öz növlərinin kiçikləri də təşkil edir.   

Çinə aid olan Riv qırqovulu Syrmaticus cinsinə daxil olan ən böyük qırqovuldur.

Tropik sulara daxil olan adamı birinci olaraq uçan balıqlar qarşılayır.  

Ağac qurbağaları fəsiləsinin Litoria cinsindən olduğu ehtimal edilən qurbağa, pinokyoya bənzəyən burnuna görə Pinokyo burunlu qurbağa adlanır. Ona həmçinin sivri burunlu qurbağa da deyilir. 

“Dağ qurdu” kimi də adlanan qırmızı canavar Cənubi və Cənub-Şərqi Asiyada yaşayan it ailəsindən olan yırtıcıdır. Onlar zaman-zaman ov etmək üçün kiçik sürülərə ayrılırlar, lakin əksər vaxtlarda böyük sürü qaydasında yaşayırlar. Görünüşünə görə, qırmızı canavar tülkü, çaqqal və canavara bənzəyir.