Viktoriya su zanbağı və ya “Amazon Viktoriyası” İngiltərə Kraliçası Viktoriyanın şərəfinə adlandırılmış dünyanın ən nəhəng gül bitkisidir.

Mayböcəyi - sürfə və pup şəklində iki il yerin altında yaşayır. Bitkilərin köklərini və soğanaqlarını yeyir. Mayböcəyi may ayında görünür. Axşamüstü torpaq yuvasından çıxır, meyvə ağaclarının yarpaqlarını yeyir. Mayböcəyi bir neçə həftə yaşayır.  

Vətəni Braziliya olan boşqababənzər bitki “Patisson” (lat. Cucurbita pepo var. patisson) qabaqkimilər fəsiləsinə aid birillik bitki növüdür. 

Tüklü Mərkəzi Afrika qurbağası Arthroleptidae fəsiləsinin Trichobatrachus cinsindən olan bir növdür. Həmçinin “vahiməli qurbağa” və “volverin qurbağası” kimi də də tanınır. Əsasən Kamerun, Konqo, Qvineya, Qabon, Nigeriya və bəzən də Anqolanın tropik və subtropik nəmli ovalıq, meşəlik, çay kənarları olan ərazilərdə rast gəlinir. 

“Geastrum fornicatum” göbələyi insan (əsgər) fiquruna bənzəyən bir göbələk növüdür. İngilisdilli ölkələrdə bu göbələyi “Günbəz formasında torpaq ulduzu” adlandırırlar. Digər adı isə “Yer ulduzu”dur. Rəngi boz və ya qəhvəyi olur. Baş hissəsi ovaldır. Gövdə nahiyəsindən isə 4 və ya 7 ulduz şəklində inkişaf edən qövslər,  yerin altında bitən ekzoperidiyaya bitişik olurlar. Göbələyin hündürlüyü 4-8 sm-ə çatır. Qövslərin uzunluğu isə 3-10,5 santimetrdir.   

Nikobar göyərçini (Nicobar pigeon- Caloenas nicobarica) Hindistanın Andaman və Nikobar adalarının sahil bölgələrində yaşayan bir quşdur. Bu quş Caloenas cinsinin yaşayan yeganə növüdür. Həmçinin nəsli kəsilmiş olan dodo və Rodrigues solitaire quşlarının nəslinə  ən yaxın hesab edilən növdür.  Nikobar göyərçini 40 sm uzunluqda olan böyük bir quşdur. Baş və boyun tükləri boz rəngdən yaşıl və gümüşü rəngə doğru dəyişir.