“Ləkəli Göl” kimi tanınan “Osuyus” gölü Kanadanın kiçik şəhəri Osuyusunun (Osoyoos) şimal-qərbində yerləşir. Müxtəlif ölçülü və müxtəlif dərinlikdə dairələrdən ibarət olan Osuyus gölü dünyanın ən mineral ilə zəngin gölü sayılır. Bu gölün ərazisində 365 "dairə" var. Bu qeyri-adi bir təbii fenomendir.  

Tikanlı şeytan (thorny devil- Moloch horridus) Avstraliyada yaşayan kərtənkələdir. Molok (Moloch) cinsinin yeganə növüdür. Onu həmçinin dağ şeytanı, tikanlı kərtənkələ, tikanlı əjdaha, molok (mountain devil, the thorny lizard, or the moloch) adlandırırlar.   

Amerikanın tropik meşələrində meyvələri dinamit kimi “partlayan ağac yetişir. “Partlayan Xura” başqa adı ilə “Dinamit Ağac” adlanan bu ağacın gövdəsi bir çox iri tikan ilə əhatə olunub. Çox təhlükəli bir görünüşə malik olan həmişəyaşıl ağac növü Partlayan Xuranın hündürlüyü 60 metrdir.   

Annona və ya Şəkər Alması 6 metr hündürlüyə qədər böyüyən tropik ağac növünün meyvəsidir. Bu meyvənin vətəni Tropik Amerika olsa da, onu Hindistan, Pakistan, Filippin və Taylandda da əkirlər. Şəkər alması şam qozuna oxşayır, diametri 10 sm-ə qədər olur. Daxili hissəsi ağ rəng və yüngül dada malikdir. Tumu azdır.  

Goliath quşyeyəni (The Goliath birdeater - Theraphosa blondi) tarantulaların Theraphosidae fəsiləsinə aid bir hörümçəkdir.Ən böyük nümayəndəsi 1965-ci ildə Venesuelada tapılmışdı. 28 sm uzunluğu olmuş hörümçək Ginnesin Rekordlar Kitabına düşmüdü. 2001-ci ildə Laos meşələrində tapılan Nəhəng ovçu hörümçəyi, ayaq boyunun uzunluğuna görə quşyeyəndən 2 sm daha böyük olsa da, çəkisi və ölçüsünə görə kiçik idi.   

Hind qozu və ya Kokos yengəci (coconut crab- Birgus latro) onayaqlı xərçəngkimilərin bir növü olmaqla bərəbər həm də, dünyanın ən böyük, torpaqda yaşayan buğumayaqlısıdır. Onlara həmçinin  qarətçi yengəc və palma oğruları (robber crab or palm thief) da deyirlər. Palma oğruları Hind və Qərbi Sakit okeanı adalarında yaşayırlar.