Şəmkir, 31 may, Famil Quliyev, AZƏRTAC

Son dövrlərdə Şəmkir rayonunda bütün idman növlərinə olduğu kimi, taekvondo idman növünə də maraq göstərənlərin sayı artmaqdadır.

AZƏRTAC-ın bölgə müxbiri xəbər verir ki, Azərbaycan Xalq Cümhuriyyətinin 100 illik yubileyi münasibətilə taekvondo idman növü üzrə keçirilən Tovuz rayon açıq birinciliyində Şəmkir rayonunu təmsil edən idmançılar 9 qızıl, 8 gümüş və 12 bürünc medal əldə ediblər.

Eyni zamanda, Gəncə şəhərində taekvondo idman növü üzrə keçirilmiş açıq birincilikdə də şəmkirli idmançılar yarışı 4 qızıl və 1 gümüş medalla başa vurublar.

Şəmkirli idmançılar bundan sonra da əzmkar mübarizələrini davam etdirərək daha yüksək nailiyyətlər əldə edəcəklərindən əmindirlər.