“Google” şirkəti “YouTube Kids” əlavəsini yeniləyərək onu geniş valideyn nəzarəti imkanları və uşaqlar üçün profillərlə təmin edib. AZƏRTAC xəbər verir ki, şirkətin məlumatına görə, yenilənmiş əlavə hər uşaq üçün fərdi funksiyalara malik xüsusi profillər açmağa imkan verir. Bundan başqa, profillərdən müxtəlif qurğularda yararlanmaq mümkündür. Hazırda profillər açmaq funksiyası 27-dək ölkədə işə salınıb. Yəqin ki, yenilənmiş əlavədən yaxın zamanlarda Azərbaycanda da istifadə etmək mümkün olacaq.

 

Maraqlıdır ki, əlavənin dizaynını istifadəçinin yaşına uyğun adaptasiya etmək olur. Doğum tarixi daxil edildikdən sonra uşaq profilində əlavənin xarici görünüşü dəyişməyə başlayır. Azyaşlı istifadəçilər az mətn, nisbətən böyük uşaqlar isə daha çox kontent və mətnli informasiya görə biləcəklər.

 

“iOS” və “Android” əməliyyat sistemli qurğular üçün “YouTube Kids” əlavəsini “App Store” və “Google Play” mağazalarından pulsuz yükləmək mümkündür.