Tallinn, 24 aprel, AZƏRTAC 

ETV telekanalının “Ozon” verilişində canavar Estoniyanın milli heyvanı seçilib. 

AZƏRTAC xəbər verir ki, seçim təbiət və mədəniyyətlə bağlı olan müxtəlif müəssisə və təşkilatların nümayəndələri ilə əməkdaşlıq çərçivəsində edilib. 

Folklorşünas Maryu Kıyvuppu deyib: “Canavar bizim təbiətimizin bir hissəsidir, xalq yaradıcılığımızda geniş yayılmış heyvandır. Onun 500-dən çox adı və xalq arasında ona aid xeyli rəvayət var”.

Milli heyvan altı namizəd arasından seçilib. Canavarla yanaşı, bu şərəfli ada porsuq, tülkü, kirpi, qunduz və cüyür də iddialı idilər.

Nigar Cəfərli
AZƏRTAC-ın xüsusi müxbiri