Zəngin fauna və floraya malik Keniyanın “Samburu Qeym” Təbiət Qoruğunda yaşayan Kamunyak adlı aslan, böyük bir ürəyə sahibdir. Sevgisi təkcə özü üçün deyil, həm də öz balası kimi yetişdirdiyi tərk edilmiş və ya anaları başqa yırtıcılar tərəfindən yeyilmiş antilop balaları üçün kifayətdir.

İndiyədək Kamunyak 6 antilop balasına öz balası kimi qayğı göstərmiş və başqa yırtıcı heyvanlardan qorumuşdur. 

Park işçilərinin sözlərinə görə, onlar Kamunyakı 1ci antilop balası ilə 5 gün müşahidə etmişdilər. Yırtıcı aslan və körpə antilop balası birgə gəzir, birgə zaman keçirirdilər. Amma təəssüf ki, bütün şirlər Kamunyak kimi deyillər. Bir gün dişi aslanın yuxuda olduğu sırada, erkək aslanlardan biri fürsəti əldən verməyib bala antilopu yemişdir.

Kamunyak oyandığında gördüyü mənzərə qarşısında heç nə edə bilmədi, lakin gurultulu iniltisi hər yanı bürümüşdü.

Park işçiləri dişi aslanı uzun müddət görə bilmədilər. Lakin iki aydan sonra o, yeni bir körpə antilop balası ilə geri döndü. İşçilər balanı ondan uzaqlaşdırdıqda isə o, gedib növbəti körpə antilop balası gətirmişdi.