Neft, kömür və təbii qaz yanacaq növləri sayılır, çünki onlar milyon illər əvvəl mövcud olmuş bitki və dəniz heyvanlarının qalığından əmələ gəlib. 

Şarı üfürüb doldur. Hava ilə dolduqdan sonra onu burax. Özün görəcəksən ki, havanın çıxması ilə şar bir neçə metr uçacaq. əgər fikir versən görəcəksən ki, şarın uçuş istiqaməti ondan çıxan havanın istiqamətinin əksinədir. Bu təcrübə reaktiv təyyarənin hərəkət etmə prinsipini əyani nümayiş etdirməyə imkan verir.  

Dünyanın ən sirli tikililərindən biri-ABŞ-ın Florida ştatındakı Homsted şəhərinin şimalında yerləşən, Edvard Lidskalnin adlı bir şəxs tərəfindən tikilmiş - Mərcan qalasıdır.

Ölçmə-müqayisə etmənin bir formasıdır. O, bir miqdarın başqa miqdarda neçə dəfə yerləşməsini təyin etmək üçün istifadə olunur. Əgər biz deyiriksə, şkafın hündürlüyü iki metrdir, bu o deməkdir ki, şkafın hündürlüyü iki ədəd 1 metrdən ibarətdir. Bu məlumatı yoxlamaq üçün şkafın hündürlüyünü metr ölçüsü ilə müqayisə etmək lazımdır. Bu cür müqayisə ölçmə adlanır. 

“Nömrə” sözünün ona riyaziyyatda verilən mənadan başqa da mənaları vardır. Biz tamaşanın ayrı-ayrı hissələrini nömrə adlandırırıq, məsələn, gözbağlayıcının nömrəsi və ya sirk nömrəsi. Həmçinin nömrə lotereyada bileti göstərir. Xoşagəlməz hallarda və ya kələk işlədilən zaman əhvalatlar haqqında danışanda “Amma filankəs yaman nömrə gəldi”-demək olar. Eyni zamanda, sözün deyilişindən asılı olaraq, müxtəlif məna verə bilər. Məsələn, bu söz telefon mənası verə bilər. 

Metrik ölçü sistemi-uzunluq ölçüsünün vahidi metr olan vahidlər sistemidir. Metr ekvivalentinin təyin edilməsinin əsasında Yer kürəsinin meridianının ölçülməsi durur. 1722-ci ildə iki fransız tədqiqatçısı Meşen və Delambr Dyunkerk və Barselona şəhərləri arasındakı məsafəni ölçdülər.