Hind qavialı (lat. Gavialis gangeticus) - sürünənlər sinfinə, timsahlar dəstəsinə aid iri heyvandır. Milyonlarla il əvvəl, bir neçə növü var idi, lakin bu gün Hind qavialı Gavialidae fəsiləsinin yaşayan iki bioloji növündən biridir. Digəri Malay qavialıdır.

Hind qavialı çox uzun rostrumu ilə xarakterizə olunur, uzunluğu 65 ilə 105 sm arasındadır. Yüzə yaxın kiçik dişin olması və daha böyük ölçüsü qavialları digər timsahlardan fərqləndirir. Dişləri çox kəskin və uzundur, alt çənədə 24-dən 26-ya, yuxarı çənədə isə 27-dən çoxdur. Hamısı bağlı ağızda belə görünür. Bütün bunlar sürünənə balıq ovunda və əldə etdiklərini yeməyə kömək edir.

Yetkin erkək fərdlərin ağzının ucundakı yumşaq toxumalardan böyüyən özünəməxsus bir əlavə, hava qəbul etmək üçün mühüm rol oynayır, bunun sayəsində erkək qaviallar su altında dişilərdən daha uzun qala bilərlər. 

Erkək fərdlərin bədən uzunluğu 5-6 metrə çatır, dişilərdə isə orta hesabla 3-3,5 m-dir. Qavialın çəkisi 150-250 kq-dır. Erkək fərdin çəkisi- 200 kq ola bilər.

Bu sürünən Hind-Qanq düzündə və Hindistanın şimal hissəsində yayılmışdır. Qaviallar, sürətli axını olan bulanıq dərin sulardakı sakit sahələri seçirlər - bunlar Hind, Brahmaputra, Qanq və başqalarıdır. Qaviallar demək olar ki, bütün vaxtlarını suda keçirirlər.

Digər heyvanlar, ölçülərinə görə çox nadir hallarda yetkin qaviallara hücum edirlər.

Qavialın uzun və güclü bir quyruğu var, üzərində üçbucaq çıxıntıları var. Qavialların gözləri kiçik və yuvarlaqdır. İnsanlar üçün təhlükə yaratmırlar, çünki qaviallar quruda ləng hərəkət edirlər.

Qavial “nəsli kəsilməkdə olan” statusu ilə Qırmızı Kitaba daxil edilmişdir. Bu heyvanların yanında yaşayan insanlar qavialları rəqib görürlər (ikisi də balıqla qidalanır); eyni zamanda timsahların əti, yumurtası və dəriləri insanlar tərəfindən həmişə yüksək qiymətləndirilmişdir. 1970-ci illərdə növlər tamamilə yox olmağa yaxın idi, lakin bu gün populyasiyası bərpa olunur.

Hindistanda qavial müqəddəs heyvan sayılır.

London Zooparkında yaşayan dişi qavial 29 yaşındadır.