Şeirlər - Uşaq Bilik Portalı

Şeirlər

Məmməd İsmayıl. Vətən seçilməz

Dostu bu dünyada seçib taparlar, Dost - düşmən seçilər, Vətən seçilməz. Qayanı yonarlar, dağı çaparlar, Dağ-qaya kiçilər, Vətən kiçilməz.

Ümid Sadə. Vətən nədir?!

Vətən nədir?-Anlayana ana deməkdir. Ana kimdir?- Bizə vətəni anladan. Vətən nədir?- Ümman yeri,ümid deməkdir. Ümid nədir?- Bizi sabahlara aparan.

Mehti Kamiloğlu. Yaşa, var ol hər zaman, Azərbaycanım!

Nəhayət, xilas oldun zülmət səmadan, Ulu Öndər qurtardı səni bəladan, Əmanətsən bugünə Heydər babadan Yaşa, var ol hər zaman, Azərbaycanım!

Dünyamin. Üçrəngli bayraq

Göylərə yüksəlib üçrəngli bayraq, Onu ucalardan enməyə qoyma! Qəlbimin başında qığılcım yanar, Ey Vətən, sən onu sönməyə qoyma!

Munis Bayram. Şuşa bizimdi!

Yaxın, uzaq ellər bilsin, Şuşa bizimdi, bizimdi! Dost sevinsin, düşmən ölsün, Şuşa bizimdi, bizimdi!

Səməd Vurğun. Şuşa

Qoynuna girməyə qalmışdır bir az, Könül fərəhlənib eylədi pərvaz. Ölməyib görəydim seyrini hər yaz, Səndə vardır başqa lətafət,Şuşa!