Günümüzdəki qitələr bir zamanlar Pangea adı verilən bütöv bir parçadan ibarət torpaq halında idi. Daha sonra Pangea yavaş-yavaş yer üzündəki hadisələrlə birlikdə parçalanaraq ayrılmağa başladı və qitələr asta-asta, amma davamlı olaraq hazırkı formasını aldı. Bu proses hələ də çox asta sürətlə davam edir. O qədər astadır ki, hər şey durğunmuş kimi görünür. Dünyanın bəzi yerlərində bu ayrılmanın izlərini görmək mümkündür. Məsələn, Bu prosesin təsiri ilə Türkiyə hər il Yunanıstana 1-2 sm yaxınlaşır. 

Nəhəng dalğa formasında olan qeyri-adi qaya Qərbi Avstraliyada “Hayden” Vəhşi Təbiət Parkının şimal hissəsində yerləşir. Qaya 15 metr hündürlükdə və 110 metr uzunluqdadır. Bu nəhəng qranit hissələrdən ibarət olan qayanın 2.7 milyard yaşı var. 

Bənövşəyi kartof- bu tərəvəz həmçinin "qaradərili qadın", "Çin trufflesi" və ya "mavi Fransız truffle kartof"u adlanır.  

Qlossofobiya - səhnə və ictimaiyyət qarşısında çıxış etmək qorxusudur. Digər adları loqofobiya və peyrafobiyadır. Qlossofobiyanı ruhi xəstəlik adlandırırlar.  

Azərbaycanda ilk çap dəzgahı hələ XIX əsrin əvvəllərində Təbrizdə quraşdırılmışdı. Daha sonra, 1830-cu ildə isə Şuşada mətbəə fəaliyyətə başlamışdı. XIX əsrin II yarısında Azərbaycanın iqtisadi və ictimai inkişafı milli mətbuatımızın yaranmasına gətirib çıxardı. Çətinliklə olsa da, görkəmli maarifçi Həsən bəy Zərdabi hökumətə müraciət edərək “Əkinçi” qəzetinin nəşrinə icazə ala bildi. 

Kitab çapı, yəni kitabların üzünün əllə köçürməklə deyil, mexaniki üsulla çoxaldılması insanları uzun müddət düşündürən bir məsələ olmuşdur. Aydındır ki, nəyi isə kütləvi şəkildə çoxaltmaq üçün əvvəlcə onun qəlibini hazırlamaq lazımdır. Kitab çapında atılan ilk addımlar da bu sadə ideyanın dərk olunması ilə başlandı.