Avstraliyada bitən Qimpi-qimpi (Gympie Gympie) -  təbiətin yaratdığı ən qorxulu və ağlasığmaz ağrıya səbəb olan bitkilərdən biridir. Təsəvvür edin ki, bədəniniz eyni anda həm turşu ilə yanır və eyni zamanda elektrik cərəyanına məruz qalır. Bu zəhərli bitkinin elmi adı - Dendrocnide moroidesdir. Bitkinin səbəb olduğu ağrı o qədər böyükdür ki, insanları intihara belə vadar edə bilər.

Dəbilqəli kalao (Rhinoplax vigil) – kərgədan buynuzunu xatırladan dimdiyə sahib olan və xarici görünüşcə bir qədər Yura dövrünün quşlarını xatırladan, qeyri-adi və ağlasığmaz görünüşlü bir quşdur. Kərkədan-quşlar fəsiləsinin bir cinsidir. Malay yarımadası, Sumatra və Borneoda yayılmışdır.

Telmatobius culeus –Titikaka gölündə və ona axan çaylarda yaşayan qeyri-adi həyat tərzinə və xarici görünüşünə sahib olan qurbağadır. Böyük su qurbağasıdır: bədən uzunluğu 14 sm, çəkisi 250 qr-dır.  

Eynəkli ayı (Tremarctos ornatus) və ya And ayısı - Cənubi Amerikada rast gəlinən yeganə ayı növüdür. Kolumbiya, Ekvador, Peru, Boliviya və Çilidə, Şimali And dağlarında yayılmışdır.

Tüklü Kiva, Yeti yengəci və ya Kiva hirsuta - dənizin dərinliklərində yaşayan və ayaqları solğun sarı tüklərlə örtülü olan 10 ayaqlı xərçəngdir. Yengəc məhz 15 santimetr uzunluğu olan tüklərinə görə “Yeti” adını alıb və digər xərçənglərdən böyüklüyünə görə fərqlənir.  

Namib səhrası - dünyanın dördüncü ən böyük təbiət qoruğu olan Namib-Naukluft Mili Parkında yerləşən və 49,768 km² ərazini əhatə edən dünyanın ən qədim səhrasıdır. Namib adı Nama adlı Afrikanın yerli xalqının dillindən götürülüb, “heç bir şeyin mövücüd olmadığı yer” mənasını verir. Səhra, 2013-cü ildən UNESCO tərəfindən Dünya İrsi Siyahısına daxil edilib.