Tarantula şahini Cənub-Şərqi Asiya, Afrika, Avropa, Avstraliya və Amerikada yaşayan eşşək arısıdır. Bu arılar ABŞ-ın Loqan, Utah şəhərlərində və Argentinadan Cənubi Amerikaya kimi ərazilərdə müşahidə edilib. Hörümçək ovladıqlarına görə Tarantula şahinləri adlandırılıblar. Tarantula şahini parazit arılar hesab edilir, çünki tarantulaya hücum edərək, iynəsi vasitəsilə onu iflic edir, yumurtasını onun bədəninə yerləşdirdikdən sonra yuvasına doğru sürükləyir. Yumurtadan çıxan sürfə, hələdə sağ olan hörümçəyi yeyərək qidalanır. Şikarın bədəninə yalnız bir yumurta qoyur. Sancıları o qədər güclüdür ki, ağrının qarşısını almaq üçün, onların sancdığı insanlara ya yatmaq ya da qışqırmaq məsləhət görülür. Tanınan növləri 5 sm uzunluğundadır. Belə uzunluğa görə, eşşək arıları arasında ən böyüyü hesab edilir. İynəsi (Pepsis grossa) 7 mm uzunluğunda olur və dünyada ən ağrılı həşərat iynəsindən biri hesab edilir. 

Bir amerikalı araşdırmacı arı onu vurarkən keçirdiyi hissləri belə dilə gətirib: "Mənə elə gəldi ki, məni tok vurdu. Dözülməz ağrı bütün bədənimi dondurdu. Hətta qışqıra da bilmədim".