Fuqu – balıq növü dünyanın ən zəhərli onurğasız heyvanıdır. Fuqu qida növü kimi dünyada ən təhlükəli məhsullardan biri sayılır. Yaponiya və Koreyada ən ləzzətli ət sayılır, ancaq doğru bişirilməzsə, faciə ilə sonlana bilər. 

Fuquda tetrodotoksin deyilən təhlükəli miqdarda zəhərli maddə var. Bu zəhər Afrika aborigenlərinin ova çıxarkən oxlarının ucuna sürtdüyü qurbağa zəhəri kuraredən 40 dəfə güclüdür və insan orqanizminə düşən zaman nəfəs almanı mümkünsüz edir. Zəhər tənəffüs orqanlarında iflic yaradır, insan bir neçə dəqiqə ərzində dünyasını dəyişir.

Bu balıqdan yalnız xüsusi lisenziyası olan aşpazlar istifadə edirlər. Lakin bütün bunlara baxmayaraq hər il bu balıqdan ölən insanlar olur. Doğru hazırlanmadığında toksin balığın ətinə hopur və onu yeyən adamın əzələləri iflic olur, boğularaq ölür. Dərmanı indiyədək tapılmayıb.

Ölmək üçün bir neçə milliqram ət yemək belə kifayətdir. Lakin Fuqu balığı populyarlığını hələ də saxlayır. Yaponiyada populyar bir deyim var: “Fuqu yeyənin ağlı yoxdur, ancaq fuqu yeməyənin də ağlı yoxdur”. Restoranlarda peşəkar aşpazların hazırladıqları yeməkdən ölmək ehtimalı azdır. Bu balıqdan hazırlanmış naharın qiyməti 1000 dollardan yuxarıdır.
Balığın ətindən qida hazırlamaq Avropada yasaqdır.