Yurd yox, anadan sora,
Gül yox, laladan sora.
Anaya nә әzizdir
Körpә baladan sora?
Lay-lay dedim adına,
Hay yetişsin dadına.
Boya-başa çatanda,
Məni də sal yadına.
Yurd yox, anadan sora,
Gül yox, laladan sora.
Anaya nә әzizdir
Körpә baladan sora?
Laylay dedim sәsilә,
Sәn dә yat hәvәsilә.
Bağçada bülbül oxur,
Gül açar nәğmәsilә.
Qızıl gül bitib suda,
Birin çәk, birin buda.
Mәn durum keşiyindә,
Sәn yat şirin yuxuda
Laylay, göydә ağ bulud,
Dәrә bulud, dağ bulud.
Qıymam balam ağlaya,
Sәn dayanma, yağ, bulud
Laylay çallam balama,
Xumar gözlü balama.
Yan üzәrlik, qadalar
Toxunmasın balama.
Yatmaz gecә,
Yar yarın atmaz gecә.
Ana baladan ayrı,
Dincәlib yatmaz gecә.
Laylay çallam balama,
Xumar gözlü balama.
Yan üzәrlik, qadalar
Toxunmasın balama.
Laylay, dağı qar alıb,
Ağaclardan bar alıb.
Balamın gözlәri tәk,
Hava rәngi qaralıb.
04.05.2026
