Lamproptera (Lamproptera) cinsinə iki növ kəpənək daxildir: Ağ Əjdaha Quyruğu (Lamproptera curius) və Yaşıl Əjdaha Quyruğu (Lamproptera meges). Hər birinin nümayəndələri Cənub-Şərqi Asiya ölkələrində geniş yayılmışdır, xüsusilə Birma, Malayziya, İndoneziya və Filippində çox rast gəlinir. Əjdaha quyruğu kəpənəyinin 10 alt növü vardır. Yaşayış üçün şirin su hövzələrinin və çayların sahil bölgələri seçirlər.

Əjdaha quyruğu kəpənəyi orta ölçülüdür - qanadların uzunluğu 40-50 mm-dir. Arxa qanadlarında qeyri-adi dərəcədə uzun çıxıntıları var; ön qanadlar isə şəffafdır. Qanadlarının çırpılma tezliyi cırcıramaya bənzəyir. Bir çiçəyin üstündə oturub belə qanadlarını çırpmağa davam edirlər. Qanadlar ağ eninə zolaqlara malikdir, araları 5 sm-dən azdır. Tırtılları Combretaceae ailəsindən olan bitkilərin üstündə qidalanıb böyüyürlər.

Yaşıl Əjdaha Quyruğu (Lamproptera meges) - Əsasən qara, ağ və yaşıl rəngdədir, 25-40 millimetr (0,98 - 1,57 düym) uzunluğunda, ağ ucu olan uzun bir qara quyruğa sahibdir. Kəpənəyin ön qanadında altı ilə səkkiz arasında dəyişən ağ ləkə zolaqlar var, kənarları isə qaradır, bədəni boyunca nazik qara zolaqları olan üçbucaqlı şüşəvari ləkələr var. Həm də bel nahiyəsi boyunca əyri bir şəkildə uzanan solğun bir zolağa malikdir. Bu zolaq uzun bir quyruğu və görkəmli bir qarın qatını daşıyan qara arxa qanadda davam edir. Bu növdə açıq zolaqlar açıq-yaşıl, yaxından əlaqəli olan Lamproptera curius növlərində isə ağ rəngdədir. Cinslər bir-birinə bənzəyir, ancaq dişi daha tünd rənglidir.