Qırmızı pandalar pişiyə oxşadıqlarına görə onlara “pişik panda” da deyilir. Pas rəngli qalın kürkləri qulaqları, yanaqları, burunları və gözlərinin üstündəki hissədən başqa bütün bədənlərini örtür. 

Qırmızı pandalara adətən şərqi Himalay və cənub-qərbi Çində rast gəlinir. Onlar mülayim iqlim şəraitində yaşamağı sevirlər. Qırmızı pandalar ət yeyən məməlilərə aid olsalar da, əksər hallarda bitkilərlə qidalanırlar. Onların qida rasionuna otlar, meyvələr, kərtənkələ, siçan, quş yumurtası və s. daxildir.  

Dişi qırmızı pandaların hamiləlik müddəti təxminən 4 aydır. 4 aydan sonra dişi panda 1-5 arası bala dünyaya gətirir. 90 gün boyunca yuvalarında qalan bala qırmızı pandalar 6-8 ayına qədər südlə qidalanırlar.  Nəsli tükənməkdə olan heyvanlar sırasına daxil olan qırmızı pandaların əksəriyyəti qoruqlarda, milli parklarda yaşayırlar. 

Qırmızı pandalara həm də “alov tülküsü” deyilir. Bu heyvanlar gündə 200.000 bambuk yarpağı yeyə bilirlər. Qırmızı pandalar xüsusi ağlama tərzləri olduğu üçün “Wah” adı ilə də tanınır.