Kambocanın Kirirom Milli Parkı ərazisində əyribarmaq kərtənkələlərin yeni növü tapılıb.

AZƏRTAC xəbər verir ki, bu barədə ölkənin Ətraf Mühit və Vəhşi Torpaq Müttəfiqləri Nazirliyi məlumat yayıb. Tədqiqatın nəticələri “Zootaxa” elmi jurnalında dərc olunub.

“Cyrtodactylus kiriromensis” adı verilən bu növ gekkonlar qrupuna daxildir. Əvvəllər bu qrup tək bir növ hesab edilsə də, Kardamom dağlarında aparılan son araşdırmalar burada bir neçə fərqli və endemik növün mövcudluğunu sübut edib. Yeni növə əsasən gecə vaxtı ağac gövdələrində, çay kənarındakı qayalıqlarda və həmişəyaşıl meşələrdə rast gəlinir. Mütəxəssislər bildirirlər ki, bu kəşf bölgənin zəngin və hələ tam öyrənilməmiş biomüxtəlifliyinin göstəricisidir.

Rəsmilərin sözlərinə görə, qorunan ərazilər nadir növlərin və təbii sərvətlərin mühafizəsində mühüm rol oynayır və ölkənin biomüxtəlifliyinin tam sənədləşdirilməsi üçün tədqiqatların davam etdirilməsi vacibdir.