Şeirlər - Uşaq Bilik Portalı

Şeirlər

Zahid Xəlil. "Durnalar"

Təkcə uçardı göydə, Gəzərdi çöldə durna. Yekə qara nöqtəyə Bənzərdi göldə durna.

Zahid Xəlil. "Hesab"

Bir qoz düşdü ağacdan Ortasından bölündü. İki parça ləpəni Üç qarğaya böl indi.

Gülzar İbrahimova. "Yatma, nağıl qurtarmamış"

Nənə, mənə nağıl danış Nağılsız yata bilmirəm! Gəl yanımda otur, danış, Özüm oxuya bilmirəm!

Gülzar İbrahimova. "Sülhə salam"

Bir təyyarə düzəltdim, Üstünə də bir nəhəng, Yaraşıqlı və qəşəng, Göyərçin şəkli çəkdim.

Səməd Vurğun. "Bahar şərqisi"

Günəş doğdu, yayıldı, Yatan ellər ayıldı. Açdı çiçəkli güllər, Dilə gəldi bülbüllər.

Soltan Abbas. "Hər yerdə səhəri yaz açdı bu gün"

Yolları, izləri yığdım gözümə, Dağları, düzləri yığdım gözümə, Baxmadım baxmaqdan yorulduğuma, Təzədən vuruldum vurulduğuma...