Tanrıların meyvəsi və ya meyvələrin kraliçası adlanan manqostan meyvəsi Malay arxipelaqının Sunda və İndoneziyanın Molukk adalarına məxsus olan tropiki həmişəyaşıl meyvədir. Bitkinin tanındığı Cənub-Şərqi Asiya, Cənub-Qərbİ Hindistan, Puerto Riko və Florida kimi digər tropiki ərazilərdə bitir. Ağaclar 6-25 m hündürlüyə qədər yüksələ bilir. Meyvələr badam şəkilli və formalı, dadı şirin-turş, yumşaq, sulu, şirəli, ağızda əriyən, sərinlədici, təravətli olub, həmçinin şaftalı, moruq, ananas, çiyələk və üzüm qarışığı bir dad verir.

Meyvə 6-8 sm böyüklüyündə, 50-150 qr ağırlığında olur. Meyvənin başında, saplağın ətrafında 4-8 ədəd papağa bənzər çıxıntı olur. Yetişməmişdən əvvəl, yaşıl və ağ rəngdə, yetişdikdən sonra isə bənövşəyi rəngə çevrilir. Tərkibində B1, B2, B3, B5, B6, B9, C vitaminləri və kalsium, fosfor, dəmir, maqnezium, soda olur. Buna görə də, nar, qaysı, quru üzüm, böyürtkən, çiyələk, moruq, gavalı, naringi, kivi, qreyfrut meyvələrindən də öndə dayanır.