“Yarpaq quyruqlu gekkon” ya da “yarpaq quyruqlu şeytan gekko” olaraq bilinən və elmi adı “Uroplatus phantasticus” olan bu kərtənkələ Madaqaskar adasına xas bir kərtənkələ növüdür. Ayrıca “fantastik yarpaq quyruqlu gekko” olaraq da bilinir.

Şeytan deyilməsinin səbəbi baş hissəsində buynuzvari uzantının olmasıdır. Bəzi növlər isə qırmızı gözləriylə diqqət çəkir. Gekkoların boyu 9-14 santimetrə qədər çata bilir. 

Tropik yağış meşələrində yaşayır və yaşadığı mühitə uyğun görkəmini dəyişə bilir. Çox vaxt onları ağacların gövdəsindən ayırd etmək çətin olur.

İlk dəfə 1888-ci ildə Corc Albert Boulenger tərəfindən müəyyən edilmişdir. Uroplatusların ən kiçik gövdəli olanıdır. Yetişkin bir gekkonun boyu 66-dən 152 millimetr arasında dəyişməkdədir. 

Gekkonlar əsasən axşam həyatı yaşayırlar. Günortalar yerə düşən yarpaqların və ya kolların arasında gizlənirlər. Qaranlıq düşdükdə isə onlar kiçik həşəratların ovuna çıxırlar. 

Bir il ərzində bir neçə dəfə 2 yumurta qoyurlar. Yumurtaları çox kiçik və qabığı sərt olur. 2-3 aydan sonra 10 qəpikdən daha kiçik bir ölçüdə gənc gekkolar doğulurlar.

Kərtənkələlərin təbii yaşayış mühitinin daim məhv olması səbəbindən bu heyvanların həyatı və artımı təhlükə altındadır.