Təbiət möcüzəsi olan qeyzerlər isti suyu və buxarı fışqırdan, ətrafa kükürd yayan su qaynağıdır. Qeyzerin yaranmasına səbəb yeraltı suların maqma ocaqlarına toxunması ya da yaxın yerləşməsi və qızmasıdır. 

Beləliklə yer altındakı isti su buxarlanır, əmələ gələn qaz vasitəsilə yüksək təzyiqlə fəvvarə vurur. Fışqırma zamanı suda olan minerallar, əhəng və silika kiçik təpələr yaradır. Qeyzerlər təbii yolla yaranırlar. 

Ancaq onlardan biri qəza nəticəsində yaranıb. 1916-cı ildə Amerikanın Nevada əyalətinin Vaşo bölgəsindəki köhnə bir göl yatağı olan Qara Qaya çölündə su axtaran işçilər səhvən hidrotermal qaynağı dəliblər. Beləliklə, 1964-ci ildə Uçan Qeyzer (Fly Geyser) oyanıb və partlayıb.

Qeyzerin “Uçan” adlanmasının səbəbi 15 m su fışqırtmasıdır. Onun digər adı  Uçan Ranço Qeyzeridir (Fly Ranch Geyser). Qeyzer şəxsi torpaq ərazisində yerləşir. Bu ərazini publikaya açıq etmək üçün bir neçə dəfə almaq istəsələr də, rədd cavabı alıblar. Qeyzerə baxmaq istəyənlər ya torpaq sahibindən icazə almalı, ya da bunu gizlincə etməlidir.

Qeyzerin hündürlüyü 1.5 m, eni isə 3.7 m-dir. 

Zaman keçdikcə fışqıran minerallar üst-üstə yığılıb və qeyzerin qəribə forma almasına səbəb olub. Belə qəribə rənglərdə olmasının səbəbi isə isti və nəmli mühiti sevən termofilik algler adlanan mikroskopik yosunlardır.