“Dünyada ən gözəl çay,” “5 rəngli çay,” “cənnətə doğru irəliləyən çay” kimi adlanan Kristal Kanalı ( Caño Cristales-Crystal Channel) Kolumbiyada yerləşir. Mənbəyini Makarena dağlarının cənub hissəsindən götürür, sonra şərqə doğru axıb Quayabero çayına tökülür.

İlin çox hissəsində adi çaylardan fərqlənmir. Digər çaylar kimi yaşıl yosunlarla örtülü daşları və masmavi suları var. 

Ancaq onu digər çaylardan fərqləndirən, iyul-noyabr ayları arasındakı görünüşüdür. Çünki bu dövrdə “Macarenia clavigera” adlanan yosunlar vasitəsilə çay, göy qurşağının demək olar ki, bütün rənglərinə sarı, yaşıl, mavi və xüsusilə qırmızı rənginə boyanır. 

Kolumbiyanın yağışlı zamanlarında, çay sürətlə axar və səthinin dərinliyi görülməz vəziyyətə gələr. Beləcə yosunlar lazım olan günəş işığını ala bilməz. Quraq mövsümdə isə çayda yosunları bəsləyəcək qədər su olmaz. Çayın gözəlliyi  yağışlı və quraq dövr arasında meydana gəlir. Genişliyi 20 m, uzunluğu isə 100 km-dir. Amazon çayının dərinliklərinə doğru irəliləyən bu çayın bəlkədə daha gözəl yerləri vardır. Çayın həmçinin çoxlu şəlaləri də var. “Nəhəngin Çaydanı” adlanan çınqıl daşların və sərt qayaların yaratdığı balaca dairəvi çuxurlara demək olar ki, çay yatağının hər yerində rast gəlmək mümkündür. Kristal kanalının yaxınlığına gedən bir yol yoxdur. Buna görə də ora giriş atla və ya katerlə mümkündür.

Çaya ilk turist səfərləri yalnız 2009-cu ildə təşkil olunmağa başladı. Bu gün çay YUNESKO tərəfindən təbii mirasın bir hissəsi qorunur.