Dünya ədəbiyyatının ən parlaq simalarından biri olan Aleksandr Düma 1802-ci ildə Fransanın Viller-Kotre şəhərində anadan olub.
O, əmək fəaliyyətinə notariat kontorunda xidmətlə başlayıb, lakin bu iş onu qane etmədiyindən meylini teatra salıb. Ədəbiyyata da dramaturq kimi gəlib. Dümanın uşaqlığı kasıblıqla keçsə də, ədəbiyyata böyük marağı sayəsində oxumaq və yazmaq vərdişlərini mükəmməl inkişaf etdirdi. Gənc yaşlarında Parisə köçərək teatrla maraqlanmağa başladı və qısa müddətdə dramaturq kimi şöhrət qazandı.
Onun əsərləri yalnız Fransada deyil, bütün dünyada oxunur və bu gün də aktualdır. Yazıçı geniş təxəyyülü, hadisələri maraqlı şəkildə təqdim etməsi və qəhrəmanlarının xarakterlərini canlı təsvir etməsi ilə seçilir.
1829-cu ildə gənc Dümanın ilk əsəri olan "3-cü Henri və onun sarayı" adlı tarixi əsəri səhnələşdirilib.
Aleksandr Dümanın ədəbi irsi çox zəngindir. Onun ən məşhur romanları arasında “Üç Muşketyor”, “Qraf Monte-Kristo”, “Qara zanbaq” və s. kimi əsərlər vardır. Bu romanlarda yazıçı tarixi faktları, macəra üslubunu və insan münasibətlərini ustalıqla birləşdirir.
Düma həm də məhsuldarlığı ilə məşhur idi – ömrü boyu yüzlərlə roman, pyes, esse və hekayə yazmışdır. Onun əsərləri sadə dildə, axıcı üslubda qələmə alındığı üçün geniş oxucu kütləsinə xitab edirdi.
Dümanın əsərləri yalnız ədəbiyyat deyil, kino, teatr və televiziya üçün də zəngin mənbədir. Onun romanları dəfələrlə filmə və səhnə əsərlərinə çevrilmişdir. Yazıçının yaratdığı qəhrəmanlar dünya ədəbiyyatında unudulmaz obrazlara çevrilmişdir.
Düma çoxlu səfərlər edib, o cümlədən Qafqaza, Azərbaycana da gəlib. Yazçı Şuşada Xurşidbanu Natəvanla görüşüb. Natəvanın dərin biliyi, şairlik və rəssamlıq qabiliyyəti onu heyran edir. Səfərdən qayıtdıqdan sonra yazıçı qələmə aldığı "Qafqaza səfər" əsərində Natəvanla görüşü xoş xatirələrlə təsvir edib.
Aleksandr Düma ədəbiyyatda yalnız maraqlı hekayələr müəllifi deyil, həm də insan psixologiyasını, dostluğun və ədalətin gücünü göstərən böyük bir sənətkardır. Onun əsərləri keçmişi anlamağa, bu günü dərk etməyə və gələcəyi düşünməyə kömək edir. Buna görə də Düma ədəbiyyatın əbədi klassiklərindən biri hesab olunur.
Düma 1870-ci il 5 dekabrda Fransa-Prussiya müharibəsi və Fransanın alman ordusu tərəfindən işğalı zamanı vəfat etmişdir. O, Villers-Koteretsdə dəfn edilmişdir.
