Çerimoya meyvəsi (Annona cherimola) Annonaceae fəsiləsinin Annona cinsindən olan bir meyvədir. Kolumbiya, Ekvador, Peru və Boliviyaya aid olduğu düşünülür. And dağları və Mərkəzi Amerika ərazilərinə də yayılmışdır. 

Çerimoya meyvəsi dünyanın tropiki bölgələrində yetişir. Mark Tveyn çerimoyanı- “insanlara məlum olan ən dadlı meyvə” adlandırmışdır. Lətinin verdiyi dada görə “krem dadı verən alma” da adlandırılır. Ləti çox dadlıdır. Amma qabığı və toxumları zəhərlidir. Yeyərkən ehtiyatlı olmaq lazımdır. Yoxsa 4-5 saat müddətində iflic ola bilərsiz. 

Adının mənası keçua dilindən “soyuq toxumlar” deməkdir. Belə adlandırılmasının səbəbi, çerimoya ağacının və toxumların yüksəklik ərazilərdə bitməsi və cücərməsidir. Çerimoya kifayət qədər sıx, sürətlə böyüyən, 5-9 m hündürlükdə olan həmişəyaşıl ağacdır. Meyvəsi konus və ya ürək şəkilli, 10-20 sm böyüklüyündə, 5-10 sm diametrdə, 2.7 kq ağırlığında, yaşıl rəngdə olur. 

Papaya, ananas, manqo və çiyələyin qarışıq dadını verir. Meyvə dondurulub qaşıqla yeyilə bilir. Həm görkəmi, həm də dadına görə bəzən dondurma meyvəsi də adlandırırlar.