Aybalığı - yastı bədən quruluşlu və yuvarlaq gövdəli okean sularının qəribə görünüşlü div balığıdır. 

Molidae ailəsindən olan aybalığının  üç növü var: okean aybalığı, pərvanəbalığı və Mola Mola. Ən tanınmış növü Mola Moladır-uzunluğu təxminən 3,5 metr, ağırlığı isə 2.000 kg çatır. Aybalığı dünyanın ən istiqanlı balığı sayılır. Adətən 20-25 il yaşaya bilirlər. 

Aybalıqlarının yeyilməməsinin səbəbi balığın pis qoxusu və ləzzətsiz ətidir. 

"Dənizdən babam çıxsa yeyərəm amma pərvanə balığı çıxsa yemərəm!" deyimi bu balığın pis qoxusundan irəli gəlir. 

Bir insandan qat-qat böyük olan bu balıq, ətrafında dalış edən kimisə gördüyündə heç nə olmamış kimi normal həyatına davam edir.. Qorxulu görünüşündən qorxmaq lazım deyil. Aybalıqları çox sakit və zərərsiz balıq növüdür.

Ağırlığı 1 ya da 2 tonu keçən bu div balığın gövdəsi boz ya da qəhvəyi rəngdə olur, dərisi isə sərtdir.

Quyruğu və döş üzgəcləri  sinəsinə müqayisədə çox balaca  olduğundan, suda tarazlığını güclə saxlayır. Buna görə də, ağzından su püskürərək yavaş-yavaş üzürlər. Hərdən də suyun üzərində günəşlənir kimi uzanaraq dinlənirlər. Əvvəllər açıq dənizlərdə rastlanan aybalıqlarının qəribə görünüşündən, böyüklüyündən və su püskürtməsi nəticəsində çıxardığı xırıltılı səsdən qorxan dənizçilər bu zərərsiz balıqları xəritələrində bir canavar kimi göstərirdilər.

İsti və ilıq dənizlərin orta dərinliyində yaşayan aybalığı daha çox plankton və xırda dəniz canlıları ilə bəslənir. Bundan başqa dənizanalarını, xırda qabıqlı heyvanları da yeyərlər. Sayları olduqca az olan bu balıqlarının əti yeyilmədiyinə görə ovlanmazlar. 

Bala aybalığının uzunluğu 1 santimetri keçdiyində, gövdəsi iki yandan basılmış kimi yuvarlaqlaşaraq disk formasını  almaya başlayır.