İlk baxışda əjdahaya bənzətdiyimiz bu canlı, tikanlı ağac gürzəsidir. Yalnız Mərkəzi Afrikaya məxsus olan bu ilan zəhərli gürzələrin bir növüdür.

Onların ən məşhur xüsusiyyəti, bədənlərini örtən uzun sivri pulcuqların olmasıdır. Xüsusilə, baş və boyundakı pulcuqlar digərlərinə görə daha uzundur. Bu pulcuqlar onlara əsəbi əjdaha görünüşü verir. Erkəkləri 73 sm qədər uzana bilir. Bədənləri 58 sm, quyruqları 15 sm olur. Dişilər isə ən çox 58 sm-ə qədər uzana bilir. Erkəklər dişilərlə müqayisədə daha uzun və incədir.

Tikanlı ağac gürzələrinin başlarında qısa burun açıqlığı vardır. Bu erkəklərdə daha qısadır. Gözləri olduqca iridir və ətrafı 9-16 ədəd qoruyucu pulcuqla çevrələnib. Gözlər isə bir-birindən 7-9 pulcuq ilə ayrılıb. Burun dəlikləri kiçik yarıqlar kimidir və aralarında sadəcə iki pulcuq var.

Bu gürzələr gecə canlılarıdır. Gecə vaxtı onlar kiçik quşları, kərtənkələ  və qurbağaları ovalayırlar. Bu ilanlara verilən ümumi adlar, kobud tikanlı kol gürzəsi, tikanlı kol gürzəsi, tüklü kol gürzəsi, kobud pulcuqlu ağac gürzəsi, tüklü Afrika kol gürzəsi, tüklü gürzə  və s. Amma tüklü kol gürzəsi adından yayınmaq lazımdır. Çünki bu adla onlar Atheris hirsuta ilan növü ilə qarışdırılır.