Başınızı uzun müddət su içində saxladığınızı düşünün. Başınızı sudan çıxardığınızda gözləriniz bulanıq görəcək. Bu vəziyyət balıqlar üçün də eynidir. Ancaq, dördgöz balığında bu belə deyil. O başını sudan çıxardıqda həm suyu, həm də qurunu aydın görə bilir.

Dördgöz balıq ( four-eyed fishes)  Anablepidae fəsiləsindən olan bir balıq cinsidir. Digər adı isə Anablepdir. Şirin su balığı olan dördgözlər çayların palçıqlı hissəsində yaşayırlar, nadir hallarda çayın sahil hissələrində üzürlər. 

Onlar Cənubi Meksika, Honduras, Mərkəzi Amerika və Cənubi Amerikanın şimal bölgələrində yaşayırlar.
Sümüklü və uzun olan bu balıqların gözləri dörd deyil, sadəcə iki ədəddir. Bir toxuma cizgisi ilə gözləri iki yerə bölünür. Hər gözündə bir şeyə fokuslana bilmək üçün iki toxuma nöqtəsi var, bu da ayrı iki cüt göz mənasını verir. Ona görə də dördgöz adlanırlar.

Bu fokuslanma nöqtələri vasitəsilə o həm sudan kənarda olan böcəkləri görərək bəslənə bilir, həm də təhlükədən özünü qoruyur. Bir hissəsi suyun altını rahatlıqla gördüyü zaman digəri quruda olan hər şeyi görür. Ona görə də dördgöz adlanırlar.

Ümumiyyətlə bu balıqlar başının bir hissəsini sudan çöldə, digər hissəsini isə suyun altında saxlayırlar. Dördgözlər 32 sm uzunluğunda olur. Yumurtalarını bətnində yetişdirir və diri bala doğur. Quruda olan şikarını ovlamaq üçün ona doğru su püskürdərək suya salır. Həmçinin tullanaraq da şikarını ovlayır. Böcəklər, onurğasız, kiçik onurğalılar və balıqlarla qidalanırlar. 

Ətrafı daha rahatlıqla görmək üçün başlarını tez-tez suya salıb çıxarırlar. Cəm halında yaşamağı sevirlər.