Şəffaf başlı balıq Makroppina  (Macropinna microstoma) dərin sularda tapılan ən qeyri-adi canlıdan biri hesab edilir. Sakit okeanın şimal hissəsinin dərinliklərində məskunlaşan bu balıq qeyri-adi görünüşə malikdir. Ruh balıq olaraq da tanınan balığın başı tamamilə şəffafdır. Bu canlılar, yaşadıqları ortama tez uyğunlaşırlar.

Boruşəkilli gözləri olan bu unikal balıq ilk dəfə 1939-cu ildə tora düşdükdən sonra tanındı. Balığı ilk araşdıran  Vilyam Çapman oldu. O, balığın həyat tərzini və xarakteristikasını öyrənməyə başladı. Lakin dərin dəniz mühitində yaşadığına görə bu balığı daha ətraflı öyrənmək mümkün olmadı. Bir nümunə ilə heç nə əldə etmək olmazdı. Üstəlik də, balıq təzyiqi dəyişən kimi gözlərini qoruyan şəffaf örtük deşilirdi.

Yalnız 2004-cü ildə elm adamları bu balıqları təbii yaşayış yerlərində 500-800 metr dənizin dərinliyində görməyə müvəffəq oldular. Bu, Monterey Körfəzi Akvarium Tədqiqat İnstitutu və ROVs dərin su aparatının alimləri tərəfindən mümkün oldu. Şəffaf başlı balığın ilk görünüşünün videosu və şəkli çəkilib.

10-15 santimetr uzunluğunda olan bu kiçik balığın bədəni qara qılçıq ilə örtülüdür. İlk öncə bioloqlar müəyyən etdilər ki, dərin sular altında yaşayan digər balıqlarla müqayisədə, şəffaf başlı balığın boruşəkilli gözləri tamamilə qaranlıqda da yaxşı görmək qabiliyyətinə malikdir. İşıqda gözləri parlaq yaşıl rəngdə olur. Buna səbəb isə gözün daxilində xüsusi sarı piqmentin olmasıdır. Opisthoproctidae ailəsinin nümayəndəsi olan şəffaf başlı balıq Mərkəzi Kaliforniya sahillərində 600-800 metr dərinlikdə yaşayır. 

Boğazının böyük olmasına baxmayaraq, balığın ağzı olduqca dardır, buna görə də balıq şikarın ölçüsünü izləmək məcburiyyətində qalır. Yatar bir vəziyyətdə üzərkən, balığın xırda gözləri həmişə yuxarıya doğru yönəlir. Beləliklə, o, üst qatdakı şikarları müəyyən edir. Balığın gözləri ov zamanı fırlanır. O, xırda balıq və planktonlarla qidalanır.