Meksikada yaşayan kor mağara balığı Astianaks (Astyanax jordani), digər adı Meksikanın Kor balığı (Blind Mexican Tetra) və ya Kor Mağara Balığı Tetra (Blind Cave Tetras) digər bildiyimiz balıq növlərindən fərqli bir özəlliyə sahibdir: onun gözləri yoxdur. 

Bu ekzotik balıqlar ilk öncə gözlər ilə doğulur, amma bir neçə həftə içərisində gözlər degenerasiyaya uğrayaraq bədənə geri qayıdır.

Bu balıqlar həmçinin tamamilə piqmentasiyadan məhrumdurlar, ona görə də bədənləri əsasən çəhrayı rəngdə olur.

Astianakslara daha çox dərin mağaralarda rast gəlmək olur. Astianaksların yaşayış sahəsi Texasdan Meksikaya qədər uzanır. 

Kor tetralar 18 aylarında kürü tökməyə başlayırlar. Bir dəfəyə 500-600 kürü tökmə qabiliyyətindədir. Kürülər 36-72 saat ərzində inkişaf edir və 3 gündən sonra hərəkət etməyə başlayırlar.

Kor Mağara balığı, göz nəqli ilə əlaqədar araşdırmalarda elm adamları tərəfindən istifadə edilir. Göz dünyasında bir çox irəliləyiş bu balıq üzərində aparılan tədqiqatlar nəticəsində əldə edilmişdir. Əldə edilən nəticələr alimlərə insanlarda korluğun müalicə olma ehtimalı olduğuna ümid verir.