Paku (Pacu fish-Colossoma Macropomum) Cənubi Amerikanın tropik və subtropik bölgələrində yaşayan şirin su balığıdır. Əsasən, Amazon, Orinoko, San Fransisko, Rio de La Plata basins, Quianas çaylarında, göllərdə həmçinin daşqın sularına məruz qalmış meşələrdə məskunlaşırlar.

Pakunu digər balıqlardan fərqləndirən onun yetişkin insan ağzındakı kimi böyük dişlərinin olmasıdır. Dişlərinin olmasına görə piranya balıqları ilə səhv salanlar var. Amma piranyalardan fərqli olaraq, pakular aqressiv deyil, sülhsevərdilər. Piranyaların dişləri sivridir, Pakularda isə piranyalarda olduğu kimi əti parçalamaq üçün sivri dişlər yoxdur, bu balıqların dişləri insandakı kimi düzdür və sadəcə kəsməyə yarayır.

Paku balıqları ağacdan düşən meyvə və toxumlarla qidalanır. Ana vətəni Amazon hövzəsi olan bu canlılar əsasən qırmızı və qara pakular olmaqla iki növə ayrılır. Qırmızı pakular otyeyən, qara pakular isə həm ot, həm də ətyeyəndilər. Bəzən toxum və meyvə olmadıqda qida rasionuna kiçik böcək, qurd və həşəratlar da daxil olur. Ancaq bununla belə ümumilikdə pakular otyeyən canlılar hesab edilir.

Piranyalardan fərqli olaraq daha böyük 1.08 m uzunluğunda və 40 kq-a qədər ağırlıqda ola bilirlər. Hər nə qədər güclü çənəsi olsa da, insanlara və öz növlərinə hücum edib dişləməkdə istifadə etmirlər. 22-28 dərəcədə yaşamağı sevirlər. Alt çənəsi piranya ilə müqayisədə bir az geriyə doğrudur. Buda onları fərqləndirməyə kömək edir.

Bəzən, insanlar onun piranya olduğunu düşünüb səhvən satın alırlar və ətlə bəsləyirlər. Ət ilə bəslənməyə vərdiş edən  pakular daha böyük çəkilərə yüksəlir. Nəzərə alınmalıdır ki, bu balıqlar 1 metrədək böyüyə bilər. Bu səbəbdən pakunu ev şəraitində, akvariumda saxlamaq təhlükəlidir.