Alqarve kimi tanınan Portuqaliyanın cənub sahilləri ölkənin əsas kurort bölgəsidir. Bu məşhur çimərlik 150 km uzunluğundadır. Buranın əsas özəlliyi yaxınlıqda heç bir evin və otellərin olmamasıdır. 2013 və 2014-cü ildə dünyanın ən yaxşı golf kurortu olaraq tanınmışdır. Alqarve bölgəsinin cazibədar yerlərindən biri eyni adlı Algar de Benagil mağarasının çimərliyidir. İnanılmaz gözəl Algar de Benagil çimərliyi Algarve şəhərinin yaxınlığında, Portimao və Armakao de Pera şəhərləri arasında yerləşir. Kənddən sadəcə bir neçə dəqiqə ərzində ekoloji cəhətdən təmiz olan çimərliyə çatmaq mümkündür. 

Kurort bölgəsinin iki özünəməxsus çimərliyi var: Biri ilıq təmiz suyu olan qədimi qayalarla əhatə olunmuş, digəri isə mağaranın içində yerləşən çimərliklər. Mağara içində yerləşən çimərlik mütləq ziyarət edilməlidir, çünki Alqavre bölgəsinin ən mühüm nöqtəsi bura sayılır. Bura Benaqil, Alqar de Benaqil mağarası və ya Algar Seko adlanır. Buraya asanlıqla gəlmək mümkündür. Amma gərək ya dənizdən - Benaqil çimərliyindən 100 metr məsafə boyunca üzməli və ya bir qayıq istifadə etməlisiniz.

Mağara İsti yay günlərində insana həm kölgə, sərinlik həm də zövq verir. Mağaranın alt hissəsi xırda qum dənələri ilə örtülüb. Mağaranın arxa girişi dənizlə əhatələnib. Mağara yağış suyunun, dəniz suyunun və güclü okean küləyinin təsiri altında formalaşmışdır. Həmçinin burada güclü küləklər də əsir.