Durian sözü Malay dilində "duri" (tikan) və "an" əlavəsinin birləşməsindən yaranmışdır.

Durio cinsinə aid bir neçə ağac növünün meyvəsidir. Meyvələrin kralı adlandırılan durian Cənub-Şərqi Asiyada yetişir və Sinqapur, Tayland, Malayziya, İndoneziya, Filippində çox sevilir. 30 növü məlumdur ki, onlardan da 9-u yeyilə biləndir. Meyvənin ağacları 20-50 metr boyuna çatır. Meyvə özü isə 1-3 kq, rəngi yaşıldan qəhvəyiyə, ləti isə sarıdan qırmızıya dəyişən rəngdədir. Çəyirdəyi qovrulduqda dadlı olur. Onu yemək çox çətindir. Sarımsaq-soğana bənzər, sərt qoxusu, şirin, dadı  olan gözəl, yumşaq meyvədir. Onu ya sevərsiniz ya da nifrət edərsiz. İlk dəfə yemək çox çətindir ancaq ikinci dəfə artıq sevəcəyiniz bir dad olacaq. Sərt qoxusuna görə qapalı yerlərdə metro avtobuslarda yemək qadağandır. Açıq bölgələrdə yemək olar. 

Cekfrut (Jack fruit) dünyanın ağacda yetişən ən böyük meyvəsidir. Meyvənin adı Portuqal dilindəki jacca sözündən olub, Malayalam dilində chakka (Malayalam şəkəri) mənasını verir. Ana vətəni Hindistandır. Ağacın boyu 15 m, meyvənin uzunluğu 50-70 sm, eni 25-40 sm, ağırlığı isə 50 kq-a yaxın ola bilir. Meyvənin üstü tikanlı, içi isə sarı, qırmızı, bənövşəyi olur. 50-ə qədər çəyirdəyi olur. Onları qovuraraq yemək mümkündür.

Bir birlərinə bənzəməsinə baxmayaraq Cekfrut və Durian ayrı-ayrı meyvədir. Cekfrut çürük soğan, ananas və banan qarışığının dadını verir. Meyvələrin içi bir-birinə bənzəmir. Durian Cekfrutdan çox balacadır. Durian çox tikanlıdır, insan ətinə bata bilər. Cekfrutda isə tikanlar daha çox qabarcıqlara bənzəyir.