Elmi dildə Pudu mephistophiles olaraq bilinən dünyanın ən balaca maralı Kolombiya, Peru ve Ekvador ölkələrində və And Dağlarında yaşayır. Pudular iki alt növə bölünür: Şimal və Cənub Pudusu.

Onlar nəqədər maralkimilər sinfinə aid olsalar da, hündürlükləri normal maral kimi deyil. Çiyin hündürlüyü 25-30 sm, boyları 60-83 sm və ağırlığı isə 6-13 kq arasında dəyişir. Ayaqları qısadır, bədəni kiçikdir. Ağız və burun strukturu nisbətən küt, şişə bənzər buynuzları isə olduqca qısadır. Hətta buynuzları o qədər qisadır ki, başındakı tüklərin arasından çətinliklə görünür. Rəngləri növlərinə görə dəyişir. Cənub pudusu qırmızı və qəhvəyi olduğu halda, şimal pudusu tünd və qəhvəyidir. Üzləri isə ümumiyyətlə qara rəng olaraq xarakterizə edilir.

Cənub pudusunun balası ləkəli rəngdə olsada, şimal pudusu tək rəngdə doğulur. Şimal puduları 2000 ve 4000 metrə aralığında yüksək dağlarda ve dağ meşələri ilə otlaqları arasında dəyişkən olaraq yaşayar. Cənub puduları isə meşə heyvanı olub, dəniz səviyyəsindən 1500 m yüksəklikdə görülür. Şimal pudusu çox nadirdir. Buna görə də həyat tərzlərilə əlaqədar az məlumat vardır. Cənub puduları gizli, ancaq aktiv həyat keçirər, yarpaq, meyvə, ağac qabığı ilə qidalanar. Boyları balaca olduğu üçün əyilmiş ağaclara rahatlıqla dırmana və sıx otların arasında hərəkət edə bilir. Cənub Pudusu yalnız yaşayar və dünyaya tək bala gətirər. Əsarət altında ən çox 20 yaşlarına qədər yaşaya bilər və ölərlər. Hər iki növ ovlandığına görə nəsilləri tükənmək təhlükəsindədir.