Torpaq, topraq, toparaq.
Top kimidi yuvarlaq.
Bu topun üstündə biz
Möһkəm durmuşuq, ancaq.
Bu topun һər yerində;
Səfalı kəndlərində,
Abad şəһərlərində
Yuva qurmuşuq, ancaq.
Nə yuxarı var onda
Nə aşağı var onda
Top boyunca toplaşan
Gün işığı var onda.
Torpaq, topraq, toparaq.
Görən yaranıb һaçaq?!
Bəlkə milyon il qabaq,
Bəlkə milyard il qabaq;
Böyük tufan qopubmuş—
Sarı ulduz tufanı.
Ucsuz-bucaqsız göyün
Qara lağımlarını
Bürüyübmüş ağ duman.
Fikirliymiş kainat,
Qarışıbmış kəһkaşan.

Cazibəyə qalıbmış
Son ümid, axır güman.
Torpaq, topraq, toparaq
Tufan çəkib göyə dağ.
Ulduzların çoxusu
Düşüblər pərən-pərən
Yorulublar, küsüblər
Mavi göyün üzünə
Səpələniblər dən-dən.

Torpaq, topraq, toparaq
Ulduzlar düşüb qaçaq.
Ana günəş qorxudan
Top kimi toppuş, şıltaq
Doqquz süd körpəsiylə
Ulduzlardan ayrılıb-...
Süd yolunun üstündə
Özünə məskən salıb...

Torpaq, topraq, toparaq
Topa buludları ağ
Cazibənin qurduğu
Tora düşüb o çağdan
Asılıb saçaq-saçaq.
Günəşin tellərindən
Torpaq, nur əmə-əmə
Böyüyüb yaşa dolub.
Dünyanı əllərində
Saxlayacaq dev olub!
Dənizlərə, çaylara
Heyvanlara, quşlara

İnsanlara ev olub..-
İndi göyə nur yağır,
Yerin əməllərindən
Meyvəli bağlarından
Çörəkli çöllərindən.

Torpaq, topraq, toparaq
Sən bunun boyuna bax!
Gecə-gündüz fırlanır
Anasının başına
Yoruldum demir һeç vaxt.
Günəşə yaxın dursa,
Od tutub yana bilər.
Günəşdən uzaqlaşsa,
Buz tutub dona bilər.
Bilir yerini qoçaq.
Tapıb yerini qoçaq...

Torpaq, topraq, toparaq,
Qaçma belə çaparaq.
Günəşin qızıl topu—
Bizim Yerimiz Topraq.
Eşit, sənin üstündə
Səni qorumaq üçün
Əsirik yarpaq-yarpaq.

Torpaq, topraq, toparaq
Gəlin һaray qoparaq,
Topdan, top gülləsi yox
Göyərçin uçsun göyə

Göyərçin uçsun, ancaq
Ağca, ağşın, ağappaq.

Torpaq, topraq, toparaq
Duman keyinmiş yumaq.
Yumru, yumru, yumruca!
Ucalır uça-uça
Ucaldıqca görünür
Uzaqlardan yumruqca.
Bu yumruqca dünyanı
İnsan qaldırıb indi
Göyün özündən uca.