Yer kürəsinin ən soyuq şəhəri Rusiyanın Oymyakon şəhəridir. Bu yer ölkənin şərqində yerləşir, burada təxminən 500 insan yaşayır. Qışda hava temperaturu -50 dərəcə olur, hətta -71 olduğu vaxtlar da olub. 

Şəhər mənzilinin vanna otağında həm isti, həm də soyuq su var. Amma bəzi kənd yerlərində bu cür rahatlıq yoxdur. İnsanlar dirəklər üstünə iritutumlu çənlər qoyurlar və içinə soyuq su doldururlar.   

Həkimlər vaxtilə ağ xalat geyinmir, işdə adi, gündəlik geyimlərində olur, elə bu görkəmdə də pasiyentləri qəbul edirdilər. Əməliyyat zamanı isə önlük və ya xüsusi qolluqlar taxılırdı. Zaman keçdikcə həkim və pasiyentlər arasında “gigiyenik bufer” olmasına ehtiyac yaranırdı. Bu geyim elə rəngdə olmalı idi ki, onu tez-tez dəyişmək və ya yuyub-təmizləmək lazım gəlsin. Bu baxımdan ağ rəng ən münasib rəng idi.

İlk çubuq təxminən 3000 il əvvəl çinlilər tərəfindən hazırlanıb. Bambukdan düzəldilən çubuqlar kəlbətinə oxşayırdı. Əvvəlcə onlar yemək hazırlanmasında rahatlıq üçün nəzərdə tutulmuşdu. Taxta kəlbətinlərlə isti yeməyi çevirmək çox rahat idi və aşpazın əllərini yandırmaq ehtimalı da az olurdu. Çubuqların uzunluğu 38 santimetr idi. Qida qəbulu üçün onların ölçüsü 25 santimetrədək kiçildildi. Tezliklə bu ənənəni digər xalqlar, o cümlədən yaponlar mənimsədi. Yaponiyada bu çubuqlar “xasi” adını alıb. 

Araşdırmalar göstərib ki, bəzi insanlar körpəlikdən bu və ya digər elm sahəsinə meyilli olurlar. Eləcə də bir çox keyfiyyətlər genetik ötürülür. 

Göl suyuna yaxından baxmısınız? Orada yəqin ki, göyün və ağacların, yaxud da öz əksinizi görmüsünüz. Qədim zamanlarda güzgünün üstünü yaxşı cilalanmış metaldan hazırlayırdılar. Heç kəs güzgünün yaranma tarixini deyə bilməz. Yəqin ki, onun yaranmasına səbəb qadın olub.