Rafiq Yusifoğlu. "Payızın göz yaşı"
Soyuyubdur havalar
Boş qalıbdır yuvalar.
Yarpaqlar soluxsuyub
Ağaclar doluxsunub.
Dəyişib libasını
Gör neçə yaşıl budaq,
Ağlayacaq ağaclar,
Göz yaşı yarpaq-yarpaq
Ələnəcək torpağa,
Yarpağa bax, yarpağa.
Süpürəcək onları
Bir süpürgəçi xala.
Dolduracaq xarala.
Sonra da od vuracaq
Ömrün ötən günləri
Düşəcəkdir yadına
Qızınacaq ağaclar,
Qızınacaq budaqlar,
Qızınacaq böyüklər
Qızınacaq uşaqlar
Göz yaşının oduna...
25.10.2018
