Ay axsaq aşpaz Həsən şah, aşpazlar aş bişirir, sən də gəl aş bişir, 
ay axsaq aşpaz Həsən şah!

***

Atı min, iti qov, iti qov, atı min; atı min, iti qov, iti qov, atı min.....

***

Bazarda nə ucuz? Mis ucuz, duz ucuz, küncüt ucuz.

***

Qatığı sarımsaqlasan da yemək olar, sarımsaqlamasan da.

***

Getdim, gördüm bir dərədə yeddi qara, qaşqa, təpəl, səkil keçi var. 

Dedim: 

- Ay yeddi qara, qaşqa, təpəl, səkil keçi, mənim yeddi qara, qaşqa, təpəl, səkil, keçimi gördünmü? 

Dedi: 

- Sənin o yeddi qara, qaşqa, təpəl, səkil keçin mənim yeddi qara, qaşqa, təpəl, səkil keçimin yeddi qara, qaşqa, təpəl, səkil balasıdı.